PROZOR – Škronulo zericu kiše (ajd dobro, ni da je baš škronulo zericu, malo više) i eto ti man – čepurak. Kaj da su čekale da se (ne)uvrimeni, da već edanput dojde ta jesen, pa da grunedu iz zemlje ča bi se reklo – kaj čepurke. I borme esu, ki ni len, more se prošećat po njivami i nabrat čepurak koliko ti srce oće. Je da su to jesenske čepruke, da su pune vode, al jopet, jopet, kase pofrigadu i kase u nji razbije ko jaje, more to bit vičerica samo takova. Samo s emora pazit da nisu čevrljive, man se učevrljividu. Ako jopet nisu prevelike, more i se i na plevu speć (ako nemate centralno, pa nemate ni pleva), vrže se ko zrno soli i kad pušćidu vodicu – mede, tote li si! Svašta se more s čepurkami, borami da. Samo se ne smidu zaminit s nima od ki bi čovik pobenavil, a kako nas i nako i nako ima benasti i preko mere, kudaj bi unda tekar?
A ve na sliki, ve su nabrane ispod Vitla, samo da se zna - japodske čepurke!
M. K.
Foto: I. Petranović
PRINT