Lika nekretnine

Ki u Dverce, ki u dvorce

Objavljeno: 23.07.2018

ZAGREB – Aaaa, ni to svaki dan, to morda edanput u životu i nigda više. Čera, točno u podne (kaj u nekvomu filmu) prestavnici folklorašov zagrebačke smotre bili su u palači Dverce. A ta palača, ma ni to bilo ča, van palača, ki je vratar igda i vidil pravu palaču, una je gori visoko, na Gornjemu gradu. A naše ženske se podobukle, sve u zimsku robu, u alje, čerape, coklje, oće ti duša van od tepline, i još k tomu red se verat uzbrdo u to Dverce. Edna veli: Ajd, neka i mi dospijemo u te dvorce, druga joj odgovara: Kakovi vražji dvorci, Dverce, Dverce. A va jopet njoj: Isti ti je to vratar. I sve tako u pravdi dojdedu pred Dverce, kako unutra uć?

Pa kad ujdeš u te Dverce, da ti pamet stane, ne subitaš se ni puvat od … od onoga… od onoga nečesa. Ma moral bi se i bos izuzut, na prsti šećat. Al ajse ti vraže izuj, o nogami nećemo ni divanit kako tuknedu. Sva nakićeno, to Dverce, ma niš su ve naše crikve vudaj, ma kakov. Edva od stra smiš i pogljedat u to. To… to… ma konda te u raj bacilo. A tekar ta finoća i nakinčanost Dverca, pa va naša suknenina, to ti gre edno z drugin, u!

Unda je u tomu Dvercu bilo lipo, svi su se sabrali, organizatori smotre su lipo divanili, falili, da čajdu drugo, folklorašima milo bilo, ma kako i ne će, unda in je lipe šare kartune dalo, na tome in zafalnica, svi sritni kaj mala dica, pa iz Dverca na prsti van.

Eto, ki ne bi išal na zagrebačku smotru folklora? Svaki, al ne gre to tako, tamo samo gredu prebrani i pozvani.

 

M. K.

Novalja.coom