OTOČAC - Sveta Tri kralja masnica se valja, veli oduvik stari narod. A i kako će drugovačije neg tako, bilo i biće.
Ča van treba za pravu masničinu?:
- edna kila brašna,
- pol litre teple vode.
- šćupac-dva soli,
- mast domaća lipa,
- za testo malo ulja i ostike,
- ki ima ovirkov more i njih lipo samlit za posipat testo,
- kase izvadi iz trunbe polje se vrućon masti.
A kako se misi? Evo vako: zamisi se testo, ostavi da stui pol ure, rastače natanko (kaj za štrudel rećemo), pomaže se rastopljenon masti svudaj po testu i posiplje ocvircima (ki ima, el). Zatače se stolnjakon u trubu, smota uobal i vrže u tepsiju.
Peče se na tijanomu ognju malo manje od ure vrimena.
Masnica je bila jako štimana od sveta Tri kralja pa sve do Mesopusta, pa bi narod edva dočekal da projde Nova godina da more peć masnicu, a odatljen i uzrečica “sveta Tri kralja -masnica se valja”.
A matere su znale dici češće utakat masnicu da imadu ča puist, da se ne krividu, da ne dodijavadu, glavno da je mura puna.
Mi je volimo puist i cukrenu i slanu.
FD Otočac
PRINT