ZAGREB – Kulturno umetnička udruga Gacka iz Lešća je jutroske sva trepelila. Ma kako i ne će, danaske je nji zapalo na maši u zagrebačkoj katedrali da pivadu. Ni to tek tako pivat pred svimi, i to još u katedrali, Bog te stvoril. Je da in gre od grla, ali jopet, jopet. Jerbo doli ima društav ocvakudaj, od Šlavonije pa do Dalmacije, a ne more se reć da ti ne znadu ča je pisma i pivanje, o daaa, i tekako znadu. Red se bilo podnadit, grla pročistit, najbolje s malo rakijice, ohrabrit se i u slavu Božju zapivat. Sadaj i Bog zna više kadaj. Tote su i jorgule, najjače u Rvackoj, nisu to ne letrične ke fi-fu sviridu po našin crikvicami, gad to zagrmi, katedrala se drmlje. Na njimi s. Cecilija Pleša, morda ih siću toga zerkicu bude lakše, naše je to gore list, s. Cecilija.
A prije neg su ušli, red se bilo poslikat ispred. Da ostane za uspomenu. I neka, treba tako.
M. K.
PRINT